സിനിമക്കുളളിലെ സിനിമയുടെ പശ്ചാത്തലത്തില്‍ ഒരു യുവാവിന്റെ ജീവിത ലക്ഷ്യങ്ങളുടെ കഥ പറയുകയുന്ന ചിത്രമാണ് അങ്ങനെ… ഉണ്ണിക്കുട്ടനും സിനിമാക്കാരനായി. നവാഗതനായ ഷിബു ഉദയനാണ് ചിത്രം തിരക്കഥ എഴുതി സംവിധാനം ചെയ്യുന്നത്. ന്യൂജന്‍ സിനിമാസിന്റെ ബാനറില്‍ മീരാ സ്വാതിയാണ് ചിത്രം നിര്‍മ്മിക്കുന്നത്.
സിനിമാമോഹവുമായി കഴിയുന്ന ലക്ഷക്കണക്കിന് യുവാക്കളുടെ പ്രതീകമാണ് ഈ ചിത്രത്തിലെ ഉണ്ണിക്കുട്ടന്‍. സംഭവിക്കേണ്ടത് എന്നായാലും സംഭവിക്കും. അതാണ് പ്രകൃതി നിയമം. ഈ ചിത്രവും അതാണ് പറയാന്‍ ശ്രമിക്കുന്നത്. വ്യത്യസ്ത കഥാപാത്രങ്ങളിലൂടെ ശ്രദ്ധേയനായ അഹമ്മദ് സിദ്ദിഖാണ് ഉണ്ണിക്കുട്ടനെ അവതരിപ്പിക്കുന്നത്. നായികാനിര്‍ണ്ണയം പൂര്‍ത്തിയായി വരുന്നു. ജോയ് മാത്യു ബിജു സോപാനം, നോബി, ജയന്‍ ചേര്‍ത്തല, ജോബി, ഇടവേള ബാബു, നീനാക്കുറുപ്പ്, സീമാ ജി. നായര്‍, മഞ്ജു പത്രോസ്, കൂളപ്പുളി ലീല ,കുന്തല്ലൂര്‍ വിക്രമന്‍ എന്നിവരാണ് മറ്റു താരങ്ങള്‍.
സംഗീതം സാമുവല്‍ എബി, ഛായാഗ്രഹണം നിധിന്‍ കെ. രാജ്, മേക്കപ്പ് റഷീദ് അഹമ്മദ്, കോസ്റ്റ്യൂം ഡിസൈനര്‍ ബ്യൂസി ബേബി ജോണ്‍, പ്രൊഡക്ഷന്‍ കണ്‍ട്രോളര്‍
സതീഷ് നമ്പ്യാര്‍. പി.ആര്‍.ഒ. വാഴൂര്‍ ജോസ്
ജൂലൈ 10 തിങ്കളാഴ്ച്ച കൊച്ചിയിലെ അമ്മയുടെ കണ്‍വെന്‍ഷന്‍ ഹാളില്‍ വച്ച് ചിത്രത്തിന്റെ പൂജാ ചടങ്ങുകള്‍ നടക്കും. ആഗസ്റ്റ് ആദ്യവാരം പാലക്കാട്ട് ചിത്രീകരണം ആരംഭിക്കും.
Recent Comments