അബുബക്കര് അബ്ദുള്ള എന്ന ശക്തമായ കഥാപാത്രത്തിലൂടെ വിഷ്ണു വിശാലിനെ കേന്ദ്രകഥാപാത്രമായി മനു ആനന്ദ് സംവിധാനം ചെയ്യുന്ന പുതിയ ചിത്രമാണ് എഫ് ഐ ആര്. ആക്ഷന് രംഗങ്ങള് അതിമനോഹരമായി ചിത്രീകരിച്ചിരിക്കുന്ന ചിത്രത്തിന്റെ ട്രെയിലര് പ്രേക്ഷകര് ഏറ്റെടുത്തുകഴിഞ്ഞു.
രാക്ഷസന് എന്ന ഹിറ്റ് സിനിമയ്ക്കുശേഷം വിഷ്ണുവിശാലിന്റെ താരമൂല്യം ഏറെ വര്ദ്ധിച്ചിരുന്നു. 2019 ല് ഷൂട്ടിംഗ് ആരംഭിച്ചുവെങ്കിലും കോവിഡിന്റെയും മറ്റും കാരണത്താല് എഫ്.ഐ.ആര് പൂര്ത്തിയായത് ഈ അടുത്തിടെയാണ്.
വിഷ്ണു വിശാലിനോടൊപ്പം വളരെ പ്രധാനപ്പെട്ട വേഷങ്ങളില് ഗൗതം വാസുദേവ മേനോന്, മഞ്ചിമ മോഹന്, റെബ മോണിക്ക ജോണ്, റയ്സവില്സണ് എന്നിവരും ചിത്രത്തില് അണിനിരക്കുന്നു.
ഫെബ്രുവരി 11 ന് തീയേറ്ററുകളില് പ്രദര്ശനത്തിനെത്തുന്ന എഫ് ഐ ആറിന്റെ ഛായാഗ്രാഹകന് അരുള് വിന്സന്റാണ്. സംഗീതം അശ്വത്തും എഡിറ്റിംഗ് പ്രസന്ന ജി.കെയുമാണ്. വിഷ്ണു വിശാല് സ്റ്റുഡിയോസിന്റെ ബാനറില് ശുബ്ര, ആര്യന് രമേഷ് എന്നിവര്ക്കൊപ്പം വിഷ്ണു വിശാലും ചേര്ന്നാണ് എഫ്.ഐ.ആര്. നര്മ്മിക്കുന്നത്.
Recent Comments