ദൃശ്യവിസ്മയങ്ങളുടെ കലവറയൊരുക്കി ഒടിടി പ്ലാറ്റ്‌ഫോമുകള്‍ ശ്രദ്ധേയമാകുമ്പോള്‍ ലോകത്ത് ആദ്യമായി സംസ്‌കൃതം ഭാഷയ്ക്ക് പ്രാധാന്യം നല്‍കി ‘സംസ്‌കൃതം ഒ ടി ടി പ്ലാറ്റ്‌ഫോം’ വരുന്നു.
ചലച്ചിത്ര സംവിധായകനും നിര്‍മ്മാതാവുമായ പി കെ അശോകന്റെ നേതൃത്വത്തിലാണ് സംസ്‌കൃതം ഒടിടി പ്ലാറ്റ്‌ഫോം പ്രവര്‍ത്തനം ആരംഭിക്കുന്നത്. സംസ്‌കൃതം സിനിമകള്‍, സീരിയലുകള്‍, ഷോര്‍ട്ട് ഫിലിമുകള്‍ തുടങ്ങി സംസ്‌കൃതം ഭാഷയിലൊരുങ്ങുന്ന എല്ലാ ദൃശ്യകലകളും ഈ പ്ലാറ്റ്‌ഫോമിലൂടെ പ്രേക്ഷകര്‍ക്ക് ദര്‍ശിക്കാനാവും.
പതിനഞ്ചിലധികം സിനിമകളും സ്‌പെഷ്യല്‍ പരിപാടികളുമായി ലോക സംസ്‌കൃത ദിനമായ ഓഗസ്റ്റ് 22 ന് സംസ്‌കൃതം ഒടിടി പ്ലാറ്റ്‌ഫോം പ്രവര്‍ത്തനം ആരംഭിക്കും. വാര്‍ത്താപ്രചരണം പി.ആര്‍. സുമേരന്‍.
Recent Comments