മഞ്ജുവാര്യര്‍ ബോളിവുഡ് ചിത്രത്തിലേയ്ക്ക് കരാര്‍ ചെയ്യപ്പെട്ടതായി അറിയുന്നു. ഇതിന്റെ ആവശ്യങ്ങള്‍ക്കായി കഴിഞ്ഞ രണ്ട് ദിവസമായി മഞ്ജു ഹൈദരാബാദിലുണ്ടായിരുന്നു.
‘അമേരിക്കി പണ്ഡിറ്റ്’ എന്നാണ് ചിത്രത്തിന്റെ ടൈറ്റില്‍. മാധവനാണ് നായകന്‍.
പുതുമുഖ സംവിധായകനായ കല്‍പേഷാണ് ചിത്രം അണിയിച്ചൊരുക്കുന്നത്. ഭോപാലാണ് ലൊക്കേഷന്‍. മഞ്ജുതന്നെ അഭിനയിച്ച മലയാള ചലച്ചിത്രത്തിന്റെ പുനരാവിഷ്‌ക്കാരമാണ് അമേരിക്കി പണ്ഡിറ്റ് എന്ന് അറിയുന്നു.
മലയാളത്തിലൂടെ അരങ്ങേറ്റം കുറിച്ച മഞ്ജു, കരിയറിലെ ഏറ്റവും ഉന്നതിയില്‍ നില്‍ക്കുമ്പോഴാണ് ദിലീപുമായുള്ള വിവാഹം. തുടര്‍ന്ന് പൂര്‍ണ്ണമായും സിനിമ വേണ്ടെന്ന് വയ്ക്കുകയായിരുന്നു. ദിലീപുമായുള്ള ബന്ധം വേര്‍പ്പെടുത്തിയതോടെയാണ് സിനിമയിലേക്ക് മഞ്ജു തിരിച്ചെത്തുന്നത്. റോഷന്‍ ആന്‍ഡ്രൂസിന്റെ ഹൗ ഓള്‍ഡ് ആര്‍ യുവിലൂടെയാണ് രണ്ടാംവരവ്. ധനുഷിനോടൊപ്പം അഭിനയിച്ച അസുരനായിരുന്നു മഞ്ജു അഭിനയിച്ച ആദ്യ തമിഴ്ചിത്രം. ഹിന്ദിയിലേയ്ക്കുള്ള മഞ്ജുവിന്റെ വരവ് പുതിയ സാധ്യതകള്‍ തുറക്കപ്പെടുന്നതിന്റെ സൂചനയാണ്. മലയാളത്തില്‍ ഏറ്റവും ഉയര്‍ന്ന പ്രതിഫലം പറ്റുന്ന താരംകൂടിയാണ് മഞ്ജു.
Recent Comments