തെലുങ്ക് താരമായ നാനിയുടെ പുതിയ ചിത്രം ഹിറ്റ് 3 കേരളത്തിൽ പ്രദർശനത്തിനെത്തുന്നു. ദുൽഖർ സൽമാന്റെ വേഫെറർ ഫിലിംസ് ആണ് ചിത്രം വിതരണം ചെയ്യുന്നത്. മേയ് ഒന്നിനാണ് ചിത്രം ആഗോളമായി റിലീസ് ചെയ്യുക. നാനിയുടെ സിനിമാ ജീവിതത്തിലെ 32-ാമത്തെ ചിത്രമായ ഹിറ്റ് 3 വലിയ പ്രതീക്ഷകളോടെയാണ് പ്രേക്ഷകർക്ക് മുന്നിലെത്തുന്നത്.
ഡോ. ശൈലേഷ് കോലാനു സംവിധാനം ചെയ്യുന്ന ചിത്രം, വാൾ പോസ്റ്റർ സിനിമയുടെ ബാനറിൽ പ്രശാന്തി തിപിര്‍നേനി നിർമ്മിച്ചിരിക്കുന്നു. നാനിയുടെ സ്വന്തം യുനാനിമസ് പ്രൊഡക്ഷൻസും സഹനിർമ്മാണത്തിലുണ്ട്. ‘ഹിറ്റ്’ എന്ന സൂപ്പർഹിറ്റ് സിനിമാ പരമ്പരയുടെ ഭാഗമായാണ് ചിത്രം പ്രേക്ഷകരിലെത്തുന്നത്.
അർജുൻ സർക്കാർ എന്ന പൊലീസ് ഓഫീസറായാണ് നാനി ചിത്രത്തിൽ അഭിനയിക്കുന്നത്. ഈ കഥാപാത്രത്തെ കേന്ദ്രീകരിച്ചാണ് കഥ മുന്നോട്ടുപോകുന്നത്.
ഛായാഗ്രഹണം: സാനു ജോണ്‍ വര്‍ഗീസ്, സംഗീതം: മിക്കി ജെ മേയര്‍, എഡിറ്റര്‍: കാര്‍ത്തിക ശ്രീനിവാസ് ആര്‍, പ്രൊഡക്ഷന്‍ ഡിസൈനര്‍: ശ്രീനാഗേന്ദ്ര തങ്കാല, രചന: ശൈലേഷ് കോലാനു, എക്‌സിക്യൂട്ടീവ് പ്രൊഡ്യൂസര്‍: എസ്. വെങ്കിട്ടരത്‌നം (വെങ്കട്ട്), ശബ്ദമിശ്രണം: സുരന്‍ ജി, ലൈന്‍ പ്രൊഡ്യൂസര്‍: അഭിലാഷ് മന്ദധ്പു, ചീഫ് കോ-ഡയറക്ടര്‍: വെങ്കട്ട് മദ്ദിരാല, കോസ്റ്റ്യൂം ഡിസൈനര്‍: നാനി കമരുസു, എസ്എഫ്എക്‌സ്: സിങ്ക് സിനിമ, വിഎഫ്എക്‌സ് സൂപ്പര്‍വൈസര്‍: വിഎഫ്എക്‌സ് ഡിടിഎം, ഡിഐ: ബി2എച്ച് സ്റ്റുഡിയോസ്, കളറിസ്റ്റ്: എസ്. രഘുനാഥ് വര്‍മ, മാര്‍ക്കറ്റിങ്: ഫസ്റ്റ് ഷോ, പിആര്‍ഒ: ശബരി.
നാനിയുടെ 32-ാമത്തെ ചിത്രമായ ഹിറ്റ് 3നെ വലിയ പ്രതീക്ഷകളോടെയാണ് പ്രേക്ഷകർ കാത്തിരിക്കുന്നത്. പ്രാരംഭ പ്രമോഷനുകളിൽ മികച്ച പ്രതികരണം ലഭിച്ചതിനാൽ, ചിത്രം തീയറ്ററുകളിൽ നല്ല സ്വീകരണം ലഭിക്കുമെന്ന് പ്രതീക്ഷിക്കുന്നു.
Recent Comments