സിനിമയുടെ ചിത്രീകരണം പൂര്ത്തിയായ ദിവസം തന്നെ ആ ചിത്രത്തിന്റെ രണ്ടാം ഭാഗം അതേ ലൊക്കേഷനില് ആരംഭിച്ചു കൊണ്ട് നടന് ബൈജു എഴുപുന്ന ചരിത്രം കുറിച്ചു. ഇടുക്കിയിലെ ചേലച്ചുവട് വെള്ളിമല കഞ്ഞിക്കുഴി, ചെറുതോണി ഭാഗങ്ങളിലായി ചിത്രീകരണം നടന്നു വരുന്ന താന് സംവിധാനം ചെയ്യുന്ന കൂടോത്രം എന്ന സിനിമയുടെ തന്നെ രണ്ടാം ഭാഗത്തിനാണ് വെള്ളിമലയില് ആരംഭം കുറിച്ചത്.
ഇതേലൊക്കേഷനില് ഡിസംബര് 29 ഞായറാഴ്ച്ചയായിരുന്നു തന്റെ ചിത്രം ആരംഭിച്ചത്. ഫെബ്രുവരി രണ്ട് ഞായറാഴ്ച്ച തന്നെ രണ്ടാം ഭാഗത്തിനും തുടക്കമിടാന് കഴിഞ്ഞതില് ഏറെ സന്തോഷമുണ്ടന്ന് ബൈജു വ്യക്തമാക്കി.
അനുഗ്രഹീത നടി മഹേശ്വരിയമ്മയാണ് ആദ്യ ഭദ്രദീപം തെളിയിച്ചാണ് കൂടോത്രം ആരംഭിച്ചതെങ്കില് കൂടോത്രം 2-ാം ഭാഗത്തിന് തുടക്കം കുറിച്ചത് മഹേശ്വരിയമ്മതന്നെയാണ് എന്ന കൗതുകവും ചിത്രത്തിനുണ്ട്.
സന്തോഷ് സി. കുമാര് സ്വിച്ചോണ് കര്മ്മവും, മാസ്റ്റര് സിദ്ധാര്ത്ഥ് ഫസ്റ്റ് ക്ലാപ്പും നല്കി. സാന്ജോ പ്രൊഡക്ഷന്സ്, ദേവദയം പ്രൊഡക്ഷന്സ് എന്നീ ബാനറുകളില് ബൈജു എഴുപുന്നയും സിജി കെ. നായരും ചേര്ന്നാണ് രണ്ടാം ഭാഗവും നിര്മ്മിക്കുന്നത്.
തമിഴിലെയും തെലുങ്കിലെയും പ്രശസ്ത താരങ്ങള്ക്കൊപ്പം, ഡിനോയ് പൗലോസ് (തണ്ണീര്മത്തന് ദിനങ്ങള് ഫെയിം), ശ്രീനാഥ് മഗന്തി, റേച്ചല് ഡേവിഡ്, അ ലന്സിയര്, സുധിക്കോപ്പ, സായ് കുമാര്, സലിം കുമാര്, ശ്രീജിത്ത് രവി, ദിയ, ബിനു തൃക്കാക്കര, മാസ്റ്റര് സിദ്ധാര്ഥ്, അക്സ ബിജു, അബിയ ബിജു, ആല്ബെര്ട്ട് വിന്സെന്റ് എന്നിവര് പ്രധാന കഥാപാത്രങ്ങളെ അവതരിപ്പിക്കുന്നു.
സന്തോഷ് കെ. ചാക്കോച്ചന്റേതാണ് കഥ. ഗാനങ്ങള്: ബി.കെ. ഹരിനാരായണന്, സംഗീതം: ഗോപി സുന്ദര്, ഛായാഗ്രഹണം: ജിസ് ബിന് സെബാസ്റ്റ്യന്, ഷിജി ജയദേവന്, എഡിറ്റിങ്: ഗ്രേസണ്, കലാസംവിധാനം: ഹംസ വള്ളിത്തോട്, മേക്കപ്പ്: ജയന് പൂങ്കുളം, ആക്ഷന് ഡയറക്ടര്: ഫീനിക്സ് പ്രഭു, പ്രൊഡക്ഷന് കണ്ട്രോളര്: ദീപക് പരമേശ്വരന്, ഇവരെ കൂടാതെ കൂടോത്രം സിനിമയുടെ പ്രധാന അണിയറ പ്രവര്ത്തകര് എല്ലാം തന്നെ രണ്ടാം ഭാഗത്തിലും അണിനിരക്കുന്നു.
സംവിധാനത്തോടൊപ്പം തിരക്കഥയും സംഭാഷണവും ഒരുക്കുന്നത് ബൈജു എഴുപുന്നയാണ്. 2025 ഏപ്രില് ആദ്യവാരം ചിത്രീകരണത്തിന്റെ രണ്ടാം ഷെഡ്യൂള് ഇടുക്കി ചിന്നക്കനാല്, കണ്ണൂര് കണ്ണവംകാട് എന്നിവിടങ്ങളിലായി ആരംഭിക്കും. പി.ആര്.ഒ. വാഴൂര് ജോസ്, ഫോട്ടോ നൗഷാദ് കണ്ണൂര്.
Recent Comments