Can News

ശ്രീരാമന്റെ കത്ത് കണ്ടുകിട്ടി. കൊല്ലം മോഹന്റെ പൂര്‍വ്വജന്മ വൃത്താന്തമറിയേണ്ടേ?

ഇന്നലെ ഫോട്ടോഗ്രാഫര്‍ കൊല്ലം മോഹന്റെ വീട്ടില്‍ പോയിരുന്നു. വെറും സൗഹൃദസന്ദര്‍ശനം. ഇടയ്ക്കിത് പതിവുള്ളതാണ്. വീട്ടിലെത്തുമ്പോള്‍ ഫയല്‍കൂട്ടങ്ങള്‍ക്ക് നടുവിലായിരുന്നു അദ്ദേഹം. എന്തോ തിരഞ്ഞുകൊണ്ടിരിക്കുന്നു. എന്നെ കണ്ടപ്പോള്‍ അവിടെ മാറ്റിവച്ചിരുന്ന ഒരു തുണ്ട് പേപ്പര്‍ എനിക്ക് നേരെ നീട്ടി. നിറം മങ്ങിയ ആ പേപ്പറിന്റെ ഒരു പുറത്ത് വടിവൊത്ത അക്ഷരത്തില്‍ എന്തോ എഴുതിയിരിക്കുന്നു. അതിനൊത്ത മുകളിലായി ഒരു ലൈന്‍ സ്‌കെച്ചും. സൂക്ഷിച്ച് നോക്കിയപ്പോള്‍ അതിന് മോഹനുമായി സാമ്യമുണ്ട്. അതിന് താഴെ കോറിയിട്ടിരുന്ന അക്ഷരങ്ങളെ ആര്‍ത്തിയോടെ വായിച്ചുതീര്‍ത്തു. ഏറ്റവും ഒടുവില്‍ അത് എഴുതിയ ആളുടെ പേരുമുണ്ടായിരുന്നു, ശ്രീരാമന്‍. വ്യക്തതയ്ക്കുവേണ്ടി പറയാം അത് നടന്‍ ശ്രീരാമനാണ്.

പണ്ടെപ്പോഴോ ശ്രീരാമന്‍ മോഹനെഴുതിയ ഒരു കത്തായിരുന്നു അത്. ആക്ഷേപഹാസ്യത്തിന്റെ ചൂരും ചൂടുമുള്ള ആ കത്തില്‍ മോഹന്റെ പൂര്‍വ്വജന്മ വൃത്താന്തത്തെക്കുറിച്ചും പരാമര്‍ശമുണ്ട്. രാജസ്ഥാനിലെ ഫലോല്‍ജി എന്ന ഗ്രാമത്തിലെ ചുവര്‍ ചിത്രകാരനായ രാംചന്ദിന്റെ കനിഷ്ഠപുത്രനായിരുന്നുവത്രെ മോഹന്‍. ഒട്ടകങ്ങളെ മേയ്ക്കലും വസ്ത്രങ്ങളില്‍ കണ്ണാടി തുന്നിപ്പിടിപ്പിക്കലുമായിരുന്നു ജോലി. പിന്നെ മാന്‍സിംഗ് എന്ന കൊള്ളക്കാരനില്‍ ആകൃഷ്ടനായി ആ സംഘത്തില്‍ ചേര്‍ന്നു. ഇരുപത്തിമൂന്നോളം കവര്‍ച്ചകളിലും നാല് ബലാല്‍സംഗകേസുകളിലും പ്രതിയായി. ഇപ്പോള്‍ സുകേശിനി എന്ന ദേവദാസിയുടെ ഭോഗഗൃഹത്തില്‍ മൃദംഗവായനക്കാരനായി കഴിഞ്ഞുകൂട്ടുന്നു എന്ന് പറഞ്ഞുകൊണ്ടാണ് കത്ത് അവസാനിപ്പിക്കുന്നത്.

ഇത്തരം കത്തയയ്ക്കല്‍ പരിപാടി ശ്രീരാമന്റെ പതിവ് ശീലങ്ങളിലൊന്നായിരുന്നുവെന്ന് കേട്ടിട്ടുണ്ട്. അദ്ദേഹവുമായി അടുത്ത സൗഹൃദമുള്ള ആളുകള്‍ക്കാണ് നര്‍മ്മം പുരണ്ട കത്തുകള്‍ അയയ്ക്കാറുള്ളത്. അങ്ങനെ ശ്രീരാമന്റെ കത്തുകള്‍ ഏറെ കിട്ടിയിട്ടുള്ളൊരാള്‍ നടന്‍ മോഹന്‍ലാലാണ്. മൊബൈലും സോഷ്യല്‍മീഡിയയുമൊക്കെ സജീവമായതോടെ കത്തെഴുതല്‍ ചുരുങ്ങി. എങ്കിലും ആ പഴയ കത്തിലൂടെ ഒന്ന് കണ്ണോടിച്ച് പോയപ്പോള്‍ അതിനിപ്പോഴും ജീവനുള്ളതായി തോന്നി. മോഹന്‍ അത് നിധിപോലെ സൂക്ഷിക്കുന്നതും അതുകൊണ്ടാവാം.

webAdminCanhelp

Share
Published by
webAdminCanhelp

Recent Posts

‘രണ്ട്’ ഫെബ്രുവരി 4 ന് ആമസോണ്‍ പ്രൈമില്‍

വിഷ്ണു ഉണ്ണികൃഷ്ണന്‍ നായകനാക്കി സുജിത് ലാല്‍ സംവിധാനം ചെയ്ത ചിത്രമാണ് രണ്ട്. ബിനുലാല്‍ ഉണ്ണി കഥയും തിരക്കഥയും സംഭാഷണവും നിര്‍വ്വഹിച്ച…

7 hours ago

403 കോടിയുടെ കരാറുണ്ടാക്കി നടി അനുഷ്‌ക ശര്‍മ്മ, ആമസോണും നെറ്റ്ഫ്‌ളിക്‌സുമായി സഹകരിക്കാന്‍ ഒരുങ്ങി താരം

കോവിഡ് കാലഘട്ടത്തില്‍ ഏറ്റവും അധികം സ്വാധീനം കൈവരിച്ച മേഖലയാണ് ഒടിടി. ലോകമൊട്ടാകെ ഏറ്റവും കൂടുതല്‍ നിക്ഷേപങ്ങള്‍ ഈ മേഖലകളിലേയ്ക്ക് പുതുതായി…

11 hours ago

പൊട്ടിച്ചിരിപ്പിക്കാന്‍ ‘ഉപചാരപൂര്‍വ്വം ഗുണ്ടജയന്‍’ 28ന് എത്തില്ല, കോവിഡ് കാരണം ചിത്രത്തിന്റെ റിലീസ് മാറ്റുന്നു എന്ന് ദുല്‍ഖര്‍ സല്‍മാന്‍

ഒരിടവേളക്ക് ശേഷം സൈജു കുറുപ്പ് ടൈറ്റില്‍ റോളില്‍ എത്തുന്ന ചിത്രമാണ് 'ഉപചാരപൂര്‍വ്വം ഗുണ്ടജയന്‍'. നര്‍മ്മ സമ്പന്നമായി കഥ പറയുന്ന ചിത്രത്തിന്റെ…

12 hours ago

‘രണ്ട്’ എന്ന സിനിമയുടെ കഥ എന്റേത്. കഥാമോഷണത്തിന് എതിരെ പരാതിയുമായി ഡോ. ബിനിരാജ്

ദേവികുളം വെറ്ററിനറി ഹോസ്പിറ്റലിലെ ഡോക്ടറാണ് ബിനിരാജ്. വെഞ്ഞാറമ്മൂട് സ്വദേശിയാണ്. അടുത്തിടെ റിലീസിനെത്തിയ രണ്ട് എന്ന ചിത്രത്തിന്റെ കഥ തന്റേതാണെന്ന് അവകാശപ്പെട്ടുകൊണ്ട്…

14 hours ago

യുവസംവിധായകന്‍ ചന്ദ്രന്‍ നരീക്കോട് ഒരുക്കിയ ‘സ്റ്റേറ്റ്ബസ്’ പൂര്‍ത്തിയായി

സന്തോഷ് കീഴാറ്റൂരിനെയും വിജിലേഷിനെയും കേന്ദ്രകഥാപാത്രങ്ങളാക്കി ചന്ദ്രന്‍ നരീക്കോട് സംവിധാനം ചെയ്ത പുതിയ ചിത്രം 'സ്റ്റേറ്റ്ബസ്' റിലീസിനൊരുങ്ങി. താമസിയാതെ ചിത്രം പ്രേക്ഷകരിലേയ്‌ക്കെത്തും.…

1 day ago

ദ്വന്ത വ്യക്തിത്വത്തിന്റെ ഇമോഷണല്‍ ത്രില്ലര്‍ – രണ്ടാം മുഖം. പോസ്റ്റര്‍ പുറത്തിറക്കി താരങ്ങളും സാങ്കേതിക പ്രവര്‍ത്തകരും.

യു കമ്പനിയും കണ്ടാ ഫിലിംസിന്റെയും ബാനറില്‍ കെടി രാജീവ്, കെ ശ്രീവര്‍മ എന്നിവര്‍ ചേര്‍ന്ന് നിര്‍മ്മിച്ച് കൃഷ്ണജിത് എസ്. വിജയന്‍…

1 day ago