ഏതാണ്ട് മൂന്ന് മണിക്കൂറോളം ദൈര്‍ഘ്യമുണ്ട് സിനിമയ്ക്ക്. പക്ഷേ എങ്ങും തട്ടും തടവുമില്ല. ഒരു കുളിര്‍കാറ്റായി അത് തഴുകി ഒഴുകി പോകുന്നു. ചില അവസരങ്ങളിലെങ്കിലും സിനിമ തീരല്ലേ എന്ന് കൊതിച്ചുപോകുന്നു. ഹൃദയം സമ്മാനിക്കുന്ന ദൃശ്യാനുഭവമാണത്.
ഒറ്റവാക്കില്‍ ഒരു പ്രണയകാവ്യമാണ് ഹൃദയം. വിനീത് ഹൃദയംകൊണ്ട് എഴുതിയ കാവ്യം. പ്രണയ നൈര്‍മല്യങ്ങളില്‍കൂടി മാത്രമല്ല അതിന്റെ സഞ്ചാരം. പ്രണയ നൈരാശ്യമുണ്ട്. മനുഷ്യരിലെ നന്മതിന്മകളുണ്ട്. ഒരുവേള തന്നെത്തന്നെ തിരിച്ചറിയുന്ന അപൂര്‍വ്വനിമിഷവും ഹൃദയം സമ്മാനിക്കുന്നു.
